முஸ்லிம்வோட்ச் அங்கத்தவர்களுக்கான விஷேட வேண்டுகோள்
அன்பின் அங்கத்தவர்களுக்கு,
அஸ்ஸலாமு அழைக்கும்,
அல்லாஹ்வின் மிகப்பெரும் அருளால், இலங்கை முஸ்லிம்களிற்கு மத்தியில் உள்ள மிகப்பெரிய மின்னஞ்சல் குழுவானMuslimWatch இன் ஓர் அங்கத்தவர் என்ற வகையில், இம்மின்னஞ்சல் குழு, இலங்கை முஸ்லிம்களின் சமூக, சமய, கலாச்சார, பொருளாதார விடயங்களை எமக்கு மத்தியில் சுதந்திரமாகக் கலந்திரையாடக்கூடிய ஒரு தளமாக செயற்படுவதை நன்கு அறிவீர்கள். இது உள்நாடு மற்றும் வெளிநாடுகளில் வாழுகின்ற 4,850 இற்கும் அதிகமான இலங்கை முஸ்லிம் சகோதர சகோதரிகளை உள்ளடக்கிய ஒரு பெரிய வலைப்பின்னலாகும். இதன் அங்கத்தவர்கள் அனைவரும் தெரிவுசெய்யப்பட்டு இணைத்துக்கொள்ளப் பட்டுவர்கள். இதில் இஸ்லாமிய நிறுவனங்கள், உலமாக்கள், புத்திஜீவிகள், அரசியல் பிரமுகர்கள் மற்றும் சமூகத்தின் அனைத்துத் துறைகளையும் சேர்ந்தவர்களும் உள்ளடக்கப் பட்டுள்ளனர். எனவே,MuslimWatch இல் பிரசுரமாகும் ஒரு மின்னஞ்சல் எமது சமுகத்தில் பெறுப்பு வாய்ந்த கணிசமான ஒரு பகுதியினருக்கு நேரடியாகவே செல்கின்றது. இதுவே எமது இலக்காகும்.
எனினும் எமது குழுவில் பிரசுரமான சில மின்னஞ்சல்களை எமது சில அங்கத்தவர்கள் ஆர்வத்தின் காரணமாக வேறு நபர்களுக்கு அனுப்பியதன் (Forward) காரணமாக சில அசௌகரியங்கள் ஏற்பட்டுள்ளன. அந்தவகையில், இவ்வாறான விடயங்ககளை தவிர்க்கும் முகமாக நாம் ஒரு முக்கிய வேண்டுகோளை முன்வைக்க விரும்புகிறோம். அதாவது,MuslimWatch இல் பிரசுரமாகும் மின்னஞ்சல்களை எக்காரணம் கொண்டும் இன்னொரு தனிநபருக்கோ, வேறு இணைய குழுக்களுக்கோ (Email Groups), மின்னஞ்சல் பட்டியல்களுக்கோ (Mailing List), இணையத்தலங்களுக்கோ (Websites/ Blogs) அனுப்புவதை (Forward) முற்றாகத் தவிர்ந்து கொள்ளுமாறு மிகவும் தாழ்மையுடன் கேட்டுக் கொள்கிறேன். அத்துடன்MuslimWatch இற்கு நீங்கள் ஒரு புதிய Email அனுப்புவதாயின் அல்லது ஒரு Email ற்கு பதிலளிப்பதாயின் தயவு செய்து அதனை பல ஈமெயில் முகவரிகளுடன் சேர்த்து அனுப்பாமல் Recipient Line (TO) இல் எமது முகவரி (MuslimWatch@yahoogroups.com) யை மாத்திரம் குறிப்பிட்டு அனுப்புமாறும் மிகவும் தாழ்மையுடன் வேண்டிக் கொள்கிறோம்.
இந்த வேண்டுகோள்களை ஓர் அமானிதமாக ஏற்று எமது பணிக்கு உதவுவீர்கள் என மிகவும் உறுதியாக நம்புகிறோம்,
வல்ல நாயன் எமது முயற்சிகளை ஏற்று அருள் புரிவானாக. ஆமீன்.
ஜஸாகல்லாஹு ஹைரன்
வஸ்ஸலாம்
